adolescentiam das einer eyn jonglin sie, Von dan biß
zûm veirzigsten jare setzst er jûûentam das einer zû
eirst eyn jonger man sie, Vnder dissen zehen jarren
hab jch jn mynem eirsten Ehestande mit myner frûnt=
licher haûsfrauwen Weisgin Ripgin von Neûß gelebt
Aber von veirzich jaren biß an daß Sesszigst jare nen=
net erß das menlich alter volkomen dan anfancks
des veirzigsten jars hab ich zûm zweiten Ehestande
mit myner lieber haûsfrauwen Drûtgin Barß aûß
Coln bürdich gegriffen vnd syn jn sulchem Ehestant vber
fûnffzehen jare verpliben do myn hertzliebe Motter
Sophia noch gelebt aber vber zwei jar dar nach aûch jn
Got verstorben, Vnd hab nach myner zweiter hausfra=
wen fûnff [jar] jm widûwen standt gesessen vnd widman
bliben biß zum Sestigsten jare mines alterß, Nach
ietzigem Sesszigsten jaren fenget nûhe daß fûnffte
theill an nach syner regnong vnd dheilong dar mit
myn Senectus vnd alterdhomb aûch angehet also
syn disse sexzich jar jm vorigen Gedenckboich be=
griffen, Die eirste drissich jar vermelden von my=
nen zweierlei stu\odijs vnd leerzeiten damit die
Eirste zwei alter nach der meinong Varronis obge=
wert, Aber jn den vberigen drissich jaren synn
myn zweierlei Ehestende verfast, Vnd ob ich woll
die neigste fûnff jare von eitzigem tage rûckwartzs
zu zellen gar keine fraw gehat alß nach myne- ehestait
so hab ich doch die neigste fûnff jar vor mynem
Ehestait nit eder zit gar ohn frawe vnthalten, Vnd
syn also jm ehestande scheir die zwei ander alter
hyngangen, Vnd ist nach der vorg¿ meinong die fûnffte
vnd leste ætas alß myn Alterthomb vberich vnd zû
den andern veiren jn daß eirste Gedenckboich nyt
komen sonder soll da von jn dissem zweiten vnd
lesten Gedenckboich gehandlet werden, Hie mit wil
jch es mit den ætatibûs vnd deren dheilungen vnd
vnderscheide berauwen laissen da dan von ist nûhe
gnog gehandlet, Aber will myn ganß leben vom
anfanck myner gebûrt jar vur jar jn diß Gedenck=
boich sûmmarie vnd kûrtz vor an setzen biß an my-
sesszigst jare, Dan dieweil ich jn dissem Gedenckboich
wil anzeignen waß sich von myr vnd den mynen aûch
anderen zûgetragen hat, so sol wol nodich syn das ich
es allet vngeferlich [was] vorhanden sie [schribe], nit allein waß
jn mynem alterdhomb beschein, dan aûch vngeferlich
waß sich vorhyn verlaûffen hat, da mit daß eynß
bei dem andern verstanden werde Nach dem sich
villicht zûtragen mogt das man bei dissem an=
deren Gedenckboich etwaß begerte zu wissen vnnd
aûch nodich zû wissen were, vnd daß eirste Gedenck=
boich nit bei handen syn mogte oder jngesclossen
were, daß man dan aûß dissem zûm theil vnder=
richt mogt werden, oder zu- wenigsten etwaß an=
wisûng vnd erjnnerong hette, Vnd ob wol daß ende
alß vom alterthomb bei dem forigen Gedenckboich
nit ist vnd wol bequeim daßselb dar bei were, so
es dan da nit wol dar zû komen kan, so wil ich doch
|
Liber
Iuventutis Liber
Senectutis Liber
Decrepitudinis
|