das ich nit gescholten darff werden, alß het ich durch
vberflûß myn zeit verkûrtzst, hett ich sie sunst sonder
groisse sûnden vnd besser nu\otz vmbpracht were wol
zu wûnschen, doch wil mir Gott barmhertzich syn, Fort
aûß den obbeste myten ætatibus vnd altern, besonder
auß denen die drei theill oder grade machen befindt
sich, das mit mir zweitheil schoin vmb synt, Die
veir theill machen daß derselben drei verlaûffen sy-,
die fûnfftheill verordnet das deren veir verflossen, also
mit denen die Seeß theil gestalt das deren fûnff hyn wegh
synt Dar aûß dan zû ersehen das myn Infantia, pu=
eritia, Adolescentia, Iûûentûs, Virilis ætas seû grauitis
dem vorigen gedenckboich jnverleibt vmb vnd dar von
syn, vnd daß nûr allein min Seniu- vnd Alterthûmb
noch vorhanden sie so lang Gott geleibt, Jha mit mir
jst der Glens, der So-mer, der Herbst schoin verbeigan=
gen, Aber der kalte Wynter ist noch vberich, Jetzo
ist der betagten leûdt sprichwort vnd sage Der
mensch hab drei tag zû leben, der weren mit jnne-
schoin zwein vmb, Diß sprûchs mogt ich aûch braûche-,
vnd sagen, Jre liebe tage myneß waxsenden vnd stande-
alters jr sydt hyn gesclichen O Ver, O æstas, O Autûmne
ætatis mex Ade, Ade, restat hyems tantu-, Jch Herman
dhoin mich aber gegen Godt mynen herren gege- alle
groisse woldathen zûm hoigsten bedancken daß er mich
die jaren mines alterdhombs vor so vil taûsent men=
schen hat laissen erreichen wilche myner .60. jaren
wol begert vnd nit erlangen mogen, damit byn
ich der voriger alter gewiß, Die aber noch jn den
eirsten altern stecken syn der mynen vngewiß, sie
geben fillicht vil drûmb daß sie derselben gewiß
mogten werden, Vill aûß mynem gesclecht vnnd
fruntschafft, vil mehe aûß miner nachparschafft
vnd alten gesellen vnd kûndtzleûthen, noch mehe aûß
mynen mytburgern vnd jnwonern syn myt dhoit
verfallen dan eitzo bei leben syn, die nit .60. jare
alt syn worden, wenich von den vberigen syn elter
von jaren dan ich syn, Nyt zehen herren aûß allen
rhaitzpersonen vnd rethen der stat Coln deren dannest
vber anderhalb hondert gewesen syn vorhanden jn leben
die vor mir vnd dem jar 1543 zû rhade gesessen ob
wol myn alter nit so gar hoich ist, Jch byn eitz der
allerelste vff eyn einige persone nach von allen lebentige-
die aûß dem hauß Weinsberch alß von mynem fatter vnd
fatterßfatter vntsprossen syn [nemlich my- Moen Drûtgin va- Weinsb{er}g diß jar .78 den 18 Jûlij gestorben. Vide infra fol: 40.] Jha ich durfft sagen wie
ich es gewislich dar vor halte das jn minem leben wol
zweimail so vill menschen jn Coln verstorben syn alß
eitz dar jn leben, Darvmb hab ich mich der gewisser .60.
jar billich zû erfreûwen vor so vil leûthen, Hie will
ich mich aber miner jaren nit beromen oder [ver]sûndigen
dan Got wirt nit ansehen wie lang der mensch gelebt
hab, aber wie wol er gelebt hab, ob er alt gewesen
dan ob er gût gewesen, Dan allein gedenck ich diß dem
allemechtigen sonderlich dar vor zû dancken zu loben vnd
zû prisen, Will aber sunst kein lenger zit zû leben wonsche-
oder begern nit eynen tag oder stûnde, dan wan es deß
herrn wil ist will ich bereidt syn zu scheiden aûß dissem
jamerdhall, allein so vil zit vnd gnaden daß ich myn sûnde
|
Liber
Iuventutis Liber
Senectutis Liber
Decrepitudinis
|